মুখ্যমন্ত্ৰী হিমন্ত বিশ্ব শৰ্মাৰ ‘মন কী বাত’ ( Mann Ki Baat Of Assam CM)

 


সকলো কথা আমি পজিটিভলি ল’ব লাগিব। মানে অল ইছ ৱেল। বা যি হয় ভালৰ কাৰণেই হয়। এই ধৰক- শংকৰজ্যোতি বৰুৱাক হেণ্ডকাফ লগাই পুলিছে দুর্ধর্ষ অপৰাধীৰ দৰে আচৰণ কৰা, তেল ডিপুটোৰ হিন্দি ভাষী মহিলাগৰাকীয়ে এখিনি অসমীয়া মানুহক দালাল, ‘ফিৰি মে খানাৱালে লৌগ বোলা’ কথাবোৰ, গুৱাহাটীৰ কৃত্ৰিম বানপানী, দুই এদিনতে এজন সাংবাদিক আৰু এজন অভিনেতা বোৱাৰীৰ প্ৰেমত পৰি মৃত্যু হোৱা, এগৰাকী গৰ্ভৱতী মহিলাৰ মৃতদেহ ভাৰাঘৰৰ কোঠাত উদ্ধাৰ হোৱা,  মূল্যবৃ্দ্ধি বা আগন্তুক দুই-এদিনত ল’ব লগা ৯০০ কোটি টকা ঋণ, আমাৰ দুই এজন মন্ত্ৰী-বিধায়ক বা নেতা-পালিনেতাই চলাই থকা চিণ্ডিকেটৰ ঘটনাবোৰ আমি পজিটিভলি ল’বই লাগিব। এইবিলাকক পজিটিভলি নল’লে, এইবিলাক সৰু-সুৰা কামতে যদি আমাৰ মন্ত্ৰী বিধায়ক, সাংসদসকল বা পুলিচ প্ৰশাসন ব্যস্ত থাকে আন্তৰাষ্ট্ৰীয় সমস্যা, দেশৰ নিৰাপত্তা সমস্যা, সনাতন ধৰ্ম ৰক্ষা কামবোৰ কোনে কৰিব! বাকী নিৱনুৱা সমস্যা বা বাৰিষা আহি আছে, মঠাউৰি চিঙি ঘৰ-চালৰ ওপৰে দুই এদিনতে পানী যাব, গৰাখহনীয়াত কৃষকৰ খেতি-পথাৰ, ঘৰ-বাৰী জাহ যাব। সেইবিলাক স্বাভাৱিক। আগতেও আছে এতিয়া থাকিব। বাকী-বিনামূলীয়া চাউল পোৱা নাই, অৰুণোদয় আঁচনিৰ পৰা যদি ধন পোৱা নাই বা আপোনাৰ নাম নাই, লাখপতি বাইদেউ আঁচনিৰ অধিনত ওচৰৰে কোনো মহিলাই ধন পাইছে আপুনি পোৱা নাই বা গছপুলি ৰোৱা বাবদ পইচা নাই পোৱা তেতিয়া আপোনালোকে প্ৰতিবাদ কৰক। মই মানি ল’ম। আৰু তাক মই গুৰুত্বসহকাৰে ল’ম। কিন্তু আমি এতিয়া আন্তৰাষ্ট্ৰীয় সমস্যা, দেশৰ নিৰাপত্তা সমস্যা, সনাতন ধৰ্ম ৰক্ষা কামবোৰত লাগিব! লাগিব। আজি আপোনাৰ ল’ৰাই যদি চাকৰি পোৱা নাই বা আপোনাৰ ল’ৰাক বহিঃৰাগতই কিবা ধমকি দিছে কিন্তু আপোনাৰ ল’ৰাতো মৰি যোৱা নাই। বা আপুনি মৰি গৈছে নেকি! নাই মৰা। কিন্তু পাকিস্তানৰ লগত গৌৰৱ গগৈৰ সম্পৰ্কই আমাৰ দেশলৈ কি ভয়ংকৰ দু:সময় কঢ়িয়াই আনিব পাৰে আপুনি ভাবিব নোৱাৰিব। মই যদি আজি শংকৰজ্যোতি বৰুৱাক হেণ্ডকাফ লগাই পুলিছে দুৰ্ধৰ্ষ অপৰাধীৰ দৰে আচৰণ কৰা, গুৱাহাটীৰ কৃত্ৰিম বানপানী বা আহিব লগা বাৰিষাৰ বানপানীৰ কথা ভাৱি থাকো আৰু তাকলৈ ব্যস্ত হৈ থাকো। তেতিয়া গৌৰৱ গগৈয়ে পাকিস্তানী আনি বদন বৰফুকনে মান আনি অসম ধ্বংস কৰাৰ দৰে কৰিব। আপোনালোকে বুৰঞ্জী পঢ়িব। মানে কেনেকৈ অসমীয়া মানুহক কচু কটা দিছিল সেই কথা জানিব। মোক যিমান সমালোচনা কৰিলেও মই অসম, মোৰ দেশৰ মানুহক ‘সিহঁত’ৰ হাতত  পাকিস্তানৰ হাতত তুলি দিব নোৱাৰো। লাগিলে অসমৰ মানুহ বানপানীত মৰক, নিৱনুৱা সমস্যাত জৰ্জৰিত হওঁক, মূল্যবৃদ্ধি হওঁক, পুলিচৰ হাতত মৰক। জীয়াই থাকিব পৰাকে বিনামূলীয়াকৈ চাউল, দাইল পাইছে নহয়! লাগিলে মোৰ শাসনকালত কিছুমান দাগী অপৰাধীয়ো শাস্তি নাপাওঁক, নিৰ্দোষীয়েও শাস্তি পাঁওক, প্ৰয়োজন হ’লে অসমৰ দুই এজন মানুহ মোৰ দেশৰে উত্তৰ-ভাৰতীয়ৰ হাতত দমন হওঁক। সেইবোৰ মই পাছতো থিক কৰিব পাৰিম। কিন্তু দেশৰ নিৰাপত্তাৰ লগত জড়িত বিষয় এটাক পিছুৱাই দিব নোৱাৰো। CID, CBI, SIT, পুলিচ প্ৰশাসন আছে আৰু কেন্দ্ৰতো আমাৰ চৰকাৰ, ৰাজ্যতো আমাৰে চৰকাৰ! আৰু গৌৰৱ গগৈ পাকিস্তানৰ লগত লিংক থকা বুলি এখন ৰাজ্যৰ মুখ্যমন্ত্ৰীয়ে কৈ থকাৰ পাছতো কিয় তেওঁক গ্ৰেপ্তাৰ কৰা নাই! বা আপুনি কিয় গৌৰৱ গগৈৰ দেশদ্ৰোহিতাৰ বিষয়ে দেশৰ গৃহবিভাগক জনোৱা নাই- এই প্ৰশ্নটো হয়তো আপোনালোকৰ মনলৈ আহিছে! কিন্তু তেনে কথাবোৰ মনলৈ নানিব। হয়, মই জানো এইবিলাক কথাত আপোনালোকে মন নিদিয়ে। পঞ্চায়ত নিৰ্বাচনত আপোনালোকে আমাক জনোৱা সঁহাৰিৰ পৰাই কথাবোৰ অনুমান কৰিব পাৰি। আৰু কি জানে! তেনেবোৰ প্ৰশ্নই আমাৰ একতাত বাধা দিব! হিমন্ত বিশ্বই আপোনালোকক ঠগিব পাৰে কিন্তু মুখ্যমন্ত্ৰী হিমন্ত বিশ্ব শৰ্মাক আপোনালোকে বিশ্বাসত লওঁক। আমি সনাতন ধৰ্ম ৰক্ষা কৰিব লাগিব! আমি সকলোৱে এক হৈ যুঁজিব লাগিব। আমি সকলো হিন্দু এক হ’ব লাগিব। জয় শ্ৰীৰাম।

ৰচনাকাল-  ২১-০৫-২০৫

নতুন দিল্লী

Comments

Post a Comment

Popular posts from this blog

বুকুৰ ঘাবোৰ শুকুৱাৰ বেদনা ( Pain of Love)

Image
বুকুৰ ঘাবোৰ শুকুৱাৰ বেদনা  ( কেৱল প্ৰেমৰ বিচ্ছেদৰ পৰাই নহয়! কোনোবা আত্মীয়ৰ মৃত্যুত, সন্তানৰ মৃত্যুত, মাতৃৰ মৃত্যুত, বন্ধুৰ মৃত্যুত মানুহৰ বুকুত যি ধুমুহাৰ সৃষ্টি হয়! সেই ধুমুহাৰ পৰা কেনেকৈ ধীৰে ধীৰে মানুহবোৰ ওলায় আহে! বা ওলায় আহিব পাৰি! সেইবোৰৰ কিবা সুত্ৰ আছে নেকি! ) মোৰ জীৱনত এনেকুৱা কিছুমান ঘটনা ঘটিছে যিবোৰ কিছুমান এতিয়া মনত আছে, কিছুমান মনত নাই। কিন্তু সেই ঘটনাবোৰ সেই সময়ত মোৰ বাবে আছিল অত্যন্ত গুৰুত্বপূৰ্ণ। জীৱন-মৰণৰ। এটা সৰু উদাহৰণ দিয়ো। আজি কেইদিন মানৰ আগতে সম্বন্ধীয় মামী এগৰাকীৰ সৈতে কথা-বতৰা পাতি থাকোঁতে কথাৰ মাজতে তেওঁৰ মুখত এজনী ছোৱালীৰ নাম শুনিলো। প্ৰথমবাৰ ছোৱালীজনীৰ নামটোৱে মোৰ মনত একো ক্ৰিয়া কৰা নাছিল। মামীগৰাকীৰ মুখত দ্বিতীয়বাৰ ছোৱালীজনীৰ নাম শুনাৰ লগে লগে নামটো কিবা চিনাকী চিনাকী লাগিল। মই যেন ছোৱালীজনীৰ কথা পাতিছো, এটা সম্পৰ্ক আছে। তেনেকুৱা লাগিল। মামীগৰাকীৰ লগত কথাত কথা মিলাই কথা পাতিছো যদিয়ো মই মনৰ ভিতৰত ছোৱালীজনী কোন আছিল মনত পেলাবলৈ চেষ্টা কৰি থাকিলো। কিন্তু নোৱাৰিলো। যদিয়ো চেষ্টা চলাই থাকিলো মনে মনে। ঘৰলৈ আহি কিবা এটা চিন্তা কৰি থাকোতেই হঠাতে ছোৱালীজনীৰ নামটোৰ ...
Read more

মই কিয় বিয়া পাতিব লাগে!

Image
মই কিয় বিয়া পাতিব লাগে! এই কথাটো মই বহুত দিন ধৰি ভাবি আহিছো। আৰু এই বিষয়টো সন্দৰ্ভত মই দুই এজনৰ লগত কথা পাতিছো আৰু দুই এখন কিতাপো পঢ়িছো। মোৰ বন্ধুসকলৰ লগত এই বিষয়ে কথা পাতোতে সিহঁতি বিবাহ সম্বন্ধীয় পৰম্পৰাগত কথাবোৰেই কয়। সিহঁতি  সংসাৰৰ নিয়ম, বংশ ৰক্ষা, আমাক যেনেকে জন্ম দিছে আমিও বিয়া পাতি ল'ৰা-ছোৱালী জন্ম দি সংসাৰৰ ধৰ্ম পালন কৰিব লাগে আদি  কথাবোৰ কয় । লগতে বৃদ্ধ কালছোৱাত নিসংগতাৰে কটাবলগীয়া ভয়াবহ ছবিখনো মোৰ আগত দাঙি ধৰে ।              আৰু ময়ো দেখিছো পতি-পত্নীৰ সম্বন্ধটো সমান আন একোৱেই হ'ব নোৱাৰে। ভাই-ককাই, বাই-ভনী, বন্ধু-বান্ধববোৰ এসময়ত দূৰলৈ গুছি যায় আৰুৱসেই সময়ত পতি-পত্নী, সন্তান ওচৰ-চাপি আহে। অভাৱ-অনাটন, সুখ-দুখ, বিপদ-আপদ সকলো সময়তে পতি-পত্নীয়ে নিজস্বতাক ত্যাগ কৰি হ'লেও সংগ দিয়ে ইজনে সিজনক। গতিকে জীৱন যাত্ৰাত এনেকুৱা এজন বন্ধুক কোনে নিবিচাৰে। যিজনে এনেকুৱা এটা সম্বন্ধ এটা নিবিচাৰে তেওঁ হ'ব লাগিব বৌদ্ধদেৱ, বিখ্যাত চিত্ৰকৰ পল গঁগা নাইবা জাঁ পল ছাত্ৰে বা ছমাৰছেট মমৰ The Razor's Edge ৰ নায়ক লেৰী হ'ব লাগিব।          ...
Read more

কথাবোৰতো কোনোবাই কৈ থাকিবই লাগিবই! (Useless Attempt)

Image
"যি মানুহে যুক্তিৰ দ্বাৰা কোনো কথাত বিশ্বাস নকৰে, তেওঁক যুক্তিৰ দ্বাৰা সেই বিশ্বাসৰ পৰা বাহিৰ কৰিবলৈ চেষ্টা কৰা বৃথা।" — Jonathan Swift আজি কেইদিনমানৰ আগতে চিৰাঙৰ এজন মুছলমান দাদাৰ ঘৰলৈ গৈ আছো। কোকৰাঝাৰৰ পৰা মোক চিৰাঙলৈ নিবৰ বাবে তেওঁৰ ড্ৰাইভাৰজন পঠাই দিলে। মই যাবলগীয়া দাদাজনৰ লগত ফোনত কথা - পাতি থাকোঁতেই গম পাইছিলোঁ যে তেওঁ ৰোজা ৰাখিছে ! তেওঁৱেই নহয়। তেওঁলোকৰ পৰিয়ালৰ আটাইকেইখিনিয়েই ৰোজা ৰাখি আছে। আমাৰ কথা হৈছিল - তেওঁলোকৰ ঘৰতে কেইটামান দিন থাকি মোৰ কেইটামান কাম আছিল সেইকেইটা সম্পন্ন কৰা। তেওঁলোকৰ পৰিয়ালটোৱে ৰোজা ৰখাৰ কথা জানিব পাৰি আৰু মোৰ বাবে তেওঁলোকৰ কিবা সমস্যা হ ’ ব বুলি ভাৱি ;  মোৰ বাবে ওচৰে - পাজৰে কম খৰচৰ এখন হোটেলৰ বন্ধ - বস্ত কৰিবলৈ তেওঁক ক ’ লো। কিন্তু মই নিজেই ধৰ্ম - কৰ্ম নমনা মানুহ। মাজতে ড্ৰাইভাৰজনক সুধিলো - আপুনি ৰোজা ৰাখিছেনে ! তেওঁ ক ’ লে - নাই ৰখা ।   মাজতে   দাদাজনে ফোন কৰিলে - ওচৰৰ দুই এখন হোটেলত যোগাযোগ কৰিছিলো। ৰূম খালি নাই। আৰু এখনত ফোন লগাই আ...
Read more