জুবিন অনুৰাগীৰ হিপ’ক্ৰেচি (Hypocrisy)

                                জুবিন অনুৰাগীৰ হিপ’ক্ৰেচি (Hypocrisy)

                                                                

২ অক্টোৱৰৰ দিনটোত বিজেপি অসম প্ৰদেশে তেওঁলোকৰ ফেচবুক পেজত গান্ধীজীৰ প্ৰতি শ্ৰদ্ধাঞ্জলি জনাই এটা পোষ্ট দিছে। ৫০০ ৰো অধিক নেটিজনে কমেন্ট কৰিছে। পোষ্টটোৰ অধিকাংশ কমেন্টেই মহাত্মা গান্ধীক কটাক্ষ কৰিছে। দুই এজনে অশ্লীল মন্তব্যও দিছে যিবোৰ দেখি ভাবিছো এনেকুৱা মানুহো থাকিব পাৰে নে! Goutom Ahom Hondique নামৰ এজনে লিখিছে- ‘মই বিজেপি সদস্য হলেওঁ, গান্ধীক স্মৰণ নকৰোঁ৷ মই মোৰ পাছৰ প্ৰজন্মক শিকাম দেশৰ বাবে গান্ধী যে অভিশাপ আছিল !হিন্দু সকলক ঘৃণা কৰা আৰু নোৱখলিৰ ইতিহাস জনাৰ পাছত ঘিণ কৰোঁ এনে সত্য আৰু অহিংসা পাঠ দিয়া পপিয়াটোক ! এতিয়া জীয়াই থকা হ’লে গান্ধীক হেংদাং ৰে দুচেও কৰিলোঁ হেতেন ৷’’ কমেন্টটো দেখাৰ পাছতে তেওঁৰ প্ৰফাইলটো চেক কৰিছো। তেওঁৱো এজন জুবিন অনুৰাগী। প্ৰথম দিনাৰ পৰা তেওঁৰ ৱালত জুবিন গাৰ্গৰ ফটো। একেদৰে কেইদিনমান পূৰ্বে হীৰেণ গোহাঁইৰ এটা সাক্ষাতকাৰত বহু জুবিন অনুৰাগীয়ে হীৰেণ গোহাঁইক বুঢ়া শগুণ, গেদাৰ চকিদা, ই মৰা নাই নেকি! জাতিয় কিছুমান কমেন্ট। এনে কমেন্ট কৰাসকল কিন্তু জুবিন অনুৰাগী। জুবিনক ভাল পায়, জুবিনৰ কাৰণে পাগল, প্ৰফাইলত জুবিন গাৰ্গৰ ফটো, জুবিন গাৰ্গৰ ন্যায় বিচাৰি বিভিন্নধৰণৰ পোষ্ট কৰিছে। তাৰ সমান্তৰালভাৱে এইসকল অনুৰাগীৰ আকৌ ধৰ্মৰ বাবে কটা-কটাকটি কৰিবলৈ প্ৰস্তুত, জীৱ-জন্তু বলি, দিঘলীপুখুৰীৰ গছবোৰ কটাৰ সপক্ষে এওঁলোক। জুবিন গাৰ্গে কৈছিল- মোৰ কোনো ধৰ্ম নাই, মোৰ কোনো জাতি নাই, মোৰ কোনো ভগৱান নাই, মই মুক্ত, মই কাঞ্চনজংঘা। অসমত এতিয়া জুবিন গাৰ্গৰ অনুৰাগীৰ সংখ্যা কোটি কোটি ঘৰত কিন্তু জুবিনৰ যি আদৰ্শ, জুবিন গাৰ্গৰ যি দৰ্শন, তেওঁৰ সত্ত্বাক উপলব্ধি কৰা অনুৰাগীৰ সংখ্যা কিন্তু আঙুলিৰ মূৰত লেখিব পৰা। তেনেকৈ হ’লে  আমি জুবিনক আমাৰ মাজত বেছিদিন জীয়াই ৰাখিব নোৱাৰিম।

        জুবিন গাৰ্গক আমাৰ মাজত জীয়াই ৰাখিবলৈ আমি তেওঁৰ গানকেইটামান শুনিলেই, বৃহত আকাৰৰ মূৰ্তি বনালেই, বছৰেকৰ মূৰত আনুষ্ঠানিক জন্মজয়ন্তী উদযাপন কৰিলেই আমাৰ মাজত জুবিন বেছিদিন জীয়াই নাথাকিব। এজন অনুৰাগী হিচাপে জুবিন গাৰ্গক আৰু তেওঁৰ আদৰ্শক প্ৰজন্মৰ পাছত প্ৰজন্মৰ মাজত জীয়াই ৰাখিবলৈ তেওঁক আমি উপলব্ধি কৰিব লাগিব। জুবিন গাৰ্গ আছিল কাঞ্চনজংঘা অৰ্থাত প্ৰকৃতি। তেওঁৰ বাবে আছিল প্ৰতিজন মানুহ মানুহ। গছ এজোপাই যিদৰে এজন দুখীয়াক যিদৰে ছাঁ দিয়ে সেইদৰে একেই ছাঁই দিয়ে ধনীজনকো। একেদৰে জুবিন গাৰ্গয়েও জাতি-ধৰ্ম, বৰ্ণভেদে তেওঁৰ কাষত মানুহে স্থান নাপাইছিল। ধনী-দুখীয়াৰ ভিত্তিতো তেওঁ মানুহক মূল্যায়ণ কৰা নাছিল। ৰকষ্টাৰ হৈয়ো পগলাজনৰ লগতো আন্তৰিকতাৰে কথা পাতিছে, আন্তৰিকতাৰে সাৱতি ধৰিছে, ফুটপাথৰ দোকানত বহি চাহ খাইছে, নাই কোনো ভেম অহংকাৰ। মুম্বাই এৰি আহিছে নিজৰ মানুহখিনিৰ মাজলৈ। কোনো দিন কাকো খাতিৰ কৰা নাই। য'তে ভুল দেখিছে তাতেই লাভ-লোকচানৰ অংক নকৰি মাত-মাতিছে। কোনো ৰাজনীতিকৰ, মন্ত্ৰী-এমএললৈ শংকা নকৰি নিজৰ ক'ব লগাখিনি ক'বলগাখিনি কৈছে, কৰিব লগাখিনি কৰিছে। গছ-গছনিৰ লগত কথা পাতিছে, গছকটাৰ বিৰোধে থিয় দিছে, জীৱ-জন্তুক মৰম কৰিছে, বলি বিধানৰ বিপক্ষে মাত-মাতিছে। দিন-ৰাত একাকাৰ কৰি কাম কৰিছে, চিনেমা বনাইছে, কিতাপ পঢ়িছে। তেওঁক অনুসৰণ কৰি আমিয়ো তেওঁৰ অধ্যৱসায় আৰু নিজৰ ক্ষেত্ৰখনত সাৰ নমনা মনোভাৱেৰে কাম কৰিব লাগিব। শেষত এটা কথা সংযোজন কৰো যে জুবিন গাৰ্গে ৩৮ হাজাৰ গীত কণ্ঠদান কৰিছিল বাবেই বা তেওঁ সুকণ্ঠৰগৰাকীৰ বাবেই আজি জুবিন গাৰ্গৰ বাবে কোটি সংখ্যাৰ মানুহ ওলাই অহা নাই। ভাৰতবৰ্ষত জুবিন গাৰ্গতকৈ অধিক প্ৰতিভাধৰ শিল্পী আছে। কিন্তু তেওঁলোকৰ মৃত্যুৱে এনেকৈ মানুহ উলিয়াই আনিব পৰা নাই। গতিকে কথাবোৰ আমাৰ অসমীয়া মানুহে উপলব্ধি কৰি আগবাঢ়িব লাগিব।

ৰচনাকাল- ৫-১০-২০২৫



         

Comments

Post a Comment

Popular posts from this blog

বুকুৰ ঘাবোৰ শুকুৱাৰ বেদনা ( Pain of Love)

Image
বুকুৰ ঘাবোৰ শুকুৱাৰ বেদনা  ( কেৱল প্ৰেমৰ বিচ্ছেদৰ পৰাই নহয়! কোনোবা আত্মীয়ৰ মৃত্যুত, সন্তানৰ মৃত্যুত, মাতৃৰ মৃত্যুত, বন্ধুৰ মৃত্যুত মানুহৰ বুকুত যি ধুমুহাৰ সৃষ্টি হয়! সেই ধুমুহাৰ পৰা কেনেকৈ ধীৰে ধীৰে মানুহবোৰ ওলায় আহে! বা ওলায় আহিব পাৰি! সেইবোৰৰ কিবা সুত্ৰ আছে নেকি! ) মোৰ জীৱনত এনেকুৱা কিছুমান ঘটনা ঘটিছে যিবোৰ কিছুমান এতিয়া মনত আছে, কিছুমান মনত নাই। কিন্তু সেই ঘটনাবোৰ সেই সময়ত মোৰ বাবে আছিল অত্যন্ত গুৰুত্বপূৰ্ণ। জীৱন-মৰণৰ। এটা সৰু উদাহৰণ দিয়ো। আজি কেইদিন মানৰ আগতে সম্বন্ধীয় মামী এগৰাকীৰ সৈতে কথা-বতৰা পাতি থাকোঁতে কথাৰ মাজতে তেওঁৰ মুখত এজনী ছোৱালীৰ নাম শুনিলো। প্ৰথমবাৰ ছোৱালীজনীৰ নামটোৱে মোৰ মনত একো ক্ৰিয়া কৰা নাছিল। মামীগৰাকীৰ মুখত দ্বিতীয়বাৰ ছোৱালীজনীৰ নাম শুনাৰ লগে লগে নামটো কিবা চিনাকী চিনাকী লাগিল। মই যেন ছোৱালীজনীৰ কথা পাতিছো, এটা সম্পৰ্ক আছে। তেনেকুৱা লাগিল। মামীগৰাকীৰ লগত কথাত কথা মিলাই কথা পাতিছো যদিয়ো মই মনৰ ভিতৰত ছোৱালীজনী কোন আছিল মনত পেলাবলৈ চেষ্টা কৰি থাকিলো। কিন্তু নোৱাৰিলো। যদিয়ো চেষ্টা চলাই থাকিলো মনে মনে। ঘৰলৈ আহি কিবা এটা চিন্তা কৰি থাকোতেই হঠাতে ছোৱালীজনীৰ নামটোৰ ...
Read more

কথাবোৰতো কোনোবাই কৈ থাকিবই লাগিবই!

Image
"যি মানুহে যুক্তিৰ দ্বাৰা কোনো কথাত বিশ্বাস নকৰে, তেওঁক যুক্তিৰ দ্বাৰা সেই বিশ্বাসৰ পৰা বাহিৰ কৰিবলৈ চেষ্টা কৰা বৃথা।" — Jonathan Swift আজি কেইদিনমানৰ আগতে চিৰাঙৰ এজন   দাদাৰ ঘৰলৈ গৈ আছো। কোকৰাঝাৰৰ পৰা মোক চিৰাঙলৈ নিবৰ বাবে তেওঁৰ ড্ৰাইভাৰজন পঠাই দিলে। মই যাবলগীয়া দাদাজনৰ লগত ফোনত কথা - পাতি থাকোঁতেই গম পাইছিলোঁ যে তেওঁ ৰোজা ৰাখিছে ! তেওঁৱেই নহয়। তেওঁলোকৰ পৰিয়ালৰ আটাইকেইখিনিয়েই ৰোজা ৰাখি আছে। আমাৰ কথা হৈছিল - তেওঁলোকৰ ঘৰতে কেইটামান দিন থাকি মোৰ কেইটামান কাম আছিল সেইকেইটা সম্পন্ন কৰা। তেওঁলোকৰ পৰিয়ালটোৱে ৰোজা ৰখাৰ কথা জানিব পাৰি আৰু মোৰ বাবে তেওঁলোকৰ কিবা সমস্যা হ ’ ব বুলি ভাৱি ;  মোৰ বাবে ওচৰে - পাজৰে কম খৰচৰ এখন হোটেলৰ বন্ধ - বস্ত কৰিবলৈ তেওঁক ক ’ লো।   অৱশ্যে   মই নিজেই ধৰ্ম - কৰ্ম নমনা মানুহ। মাজতে ড্ৰাইভাৰজনক সুধিলো - আপুনি ৰোজা ৰাখিছেনে ! তেওঁ ক ’ লে - নাই ৰখা ।   মাজতে   দাদাজনে ফোন কৰিলে - ওচৰৰ দুই এখন হোটেলত যোগাযোগ কৰিছিলো। ৰূম খালি নাই। আৰু এখনত ফো...
Read more

মই কিয় বিয়া পাতিব লাগে!

Image
মই কিয় বিয়া পাতিব লাগে! এই কথাটো মই বহুত দিন ধৰি ভাবি আহিছো। আৰু এই বিষয়টো সন্দৰ্ভত মই দুই এজনৰ লগত কথা পাতিছো আৰু দুই এখন কিতাপো পঢ়িছো। মোৰ বন্ধুসকলৰ লগত এই বিষয়ে কথা পাতোতে সিহঁতি বিবাহ সম্বন্ধীয় পৰম্পৰাগত কথাবোৰেই কয়। সিহঁতি  সংসাৰৰ নিয়ম, বংশ ৰক্ষা, আমাক যেনেকে জন্ম দিছে আমিও বিয়া পাতি ল'ৰা-ছোৱালী জন্ম দি সংসাৰৰ ধৰ্ম পালন কৰিব লাগে আদি  কথাবোৰ কয় । লগতে বৃদ্ধ কালছোৱাত নিসংগতাৰে কটাবলগীয়া ভয়াবহ ছবিখনো মোৰ আগত দাঙি ধৰে ।              আৰু ময়ো দেখিছো পতি-পত্নীৰ সম্বন্ধটো সমান আন একোৱেই হ'ব নোৱাৰে। ভাই-ককাই, বাই-ভনী, বন্ধু-বান্ধববোৰ এসময়ত দূৰলৈ গুছি যায় আৰুৱসেই সময়ত পতি-পত্নী, সন্তান ওচৰ-চাপি আহে। অভাৱ-অনাটন, সুখ-দুখ, বিপদ-আপদ সকলো সময়তে পতি-পত্নীয়ে নিজস্বতাক ত্যাগ কৰি হ'লেও সংগ দিয়ে ইজনে সিজনক। গতিকে জীৱন যাত্ৰাত এনেকুৱা এজন বন্ধুক কোনে নিবিচাৰে। যিজনে এনেকুৱা এটা সম্বন্ধ এটা নিবিচাৰে তেওঁ হ'ব লাগিব বৌদ্ধদেৱ, বিখ্যাত চিত্ৰকৰ পল গঁগা নাইবা জাঁ পল ছাত্ৰে বা ছমাৰছেট মমৰ The Razor's Edge ৰ নায়ক লেৰী হ'ব লাগিব।          ...
Read more