বৰ্তমান অসমত কোনজন লাচিতক বেছি প্ৰয়োজন



১। মোগল খেদা লাচিতক নে!

২। নে আপোন-পৰ বিচাৰ নকৰি কামত ফাকি দিয়া মামাকৰ ডিঙি কাটি দিয়া লাচিতজনক !

                 বৰ্তমান সময়ত অসমত এজন বীৰৰ  প্ৰাসংগিকতা মই আটাইতকৈ বেছি অনুভৱ কৰো। সেইজন আন কোনো নহয় তেওঁ লাচিত বৰফুকন। জানিব পাৰিছো চৰকাৰৰ পৃষ্ঠপোষকতাত এই বীৰজনক সোঁৱৰণ কৰিবলৈ যি যো-জা চলাইছে। সি সঁচাকৈ প্ৰসংশনীয়।  বীৰ পূজাই বীৰ সৃষ্টি কৰে আৰু বহুজনক বীৰপূজাই বীৰৰ দৰে কাম কৰিবলৈ অনুপ্ৰেৰণা যোগায়। বহুজনৰ দৰে লাচিতে মোগলৰ বিৰুদ্ধে বীৰদৰ্পে যুদ্ধ কৰাৰ কাৰণে মোৰ লাচিতৰ প্ৰতি আকৰ্ষণ নাই। লাচিত মোৰ প্ৰিয় হৈ উঠা মূলতে: লাচিতে ভুল দেখি আপোন-পৰ বিচাৰ নকৰি দোষীক শাস্তি প্ৰদান কৰা কাৰ্যটো। (#মই  কিন্তু ইয়াত ভুল কৰা দেখি আমাৰ লাচিতৰ দৰে ভাগিনে আমাৰ মামাক শিৰচ্ছেদ কৰা কাৰ্যটোক কোনোদিনে গ্ৰহণ নকৰো। সেইটো খুব স্পষ্টভাৱে প্ৰথমে কৈ লৈছো যাতে পাছত মই আইনী মেৰ-পেঁছত নপৰো।)  সম্প্ৰতি আমাৰ অসমত দোষী; কোনো মন্ত্রী-বিধায়কৰ সম্পৰ্কীয় তথা এলেকৰ-পেলেক হ'লেও হাৰি যায়, মন্ত্ৰী-বিধায়কৰ পত্নী ভূমি কেলেংকাৰী, পিপি কীট কেলেংকাৰীত পৰিলে স্বামী মন্ত্ৰীয়ে যিকোনো প্ৰকাৰে বচাব বিচাৰে কিন্তু আমাৰ লাচিতৰ দৰে তই ভুল কৰিছ; তোক ৰেহাই দিলে আন দহটাই এনে কাম কৰিবলৈ সাহস পাব বুলি কৈ ঘৰ-পৰ নাচাই ডিঙিটো কাটি নিদিয়ে। বৰং আমাৰ মন্ত্ৰীসকলে মিচা ওপৰি মিচা কৈ নিজৰ আত্মীয়ক বচাবলৈ চেষ্টা কৰে। আমাৰ মূলুকত এতিয়া পুলিছৰ পুতেকে  বাটে-পথে মদ খাবলৈ, হোষ্টেল-কলেজত অভদ্ৰামী কৰিবলৈ, ছোৱালী বলাৎকাৰ কৰিবলৈ ভয় নকৰে কাৰণ বাপেকে পুলিচ। শাসনৰ বাঘজাৰীডাল বাপেকৰ হাতত আছে বচাই দিব। কিন্তু লাচিত বৰফুকনৰ দৰে মানুহ পুলিছ হোৱা হ'লে ক'লা ল'ৰাক এনকাউন্টাৰ কৰাৰ দৰে নিজৰ বিপথে যোৱা পুতেকক প্ৰথমে এনকাউন্টাৰ কৰিলেহেঁতেন। এতিয়া আকৌ আমাৰ পুলিছ বাপেকে পুতেকক বচাবলৈ পুতেকে বলাৎকাৰ কৰা ছোৱালীজনীক হত্যা কৰি আত্মহত্যাৰ ৰূপ দিবলৈ চেষ্টা কৰে।

              কিন্তু আজি তাৰিখত অসমৰ ৰাজ্য চৰকাৰখনে এই দিশটোক লুকুৱাই লাচিতে মোগল খেদিছিল কাৰণে অসমে তেওঁক সোঁৱৰণ কৰিব লাগে বুলি কৈ অসমৰ হিন্দু আৰু মুছলিমৰ সাম্প্ৰদায়িক ৰাজনীতিত অধিক গুৰুত্ব আৰোপ কৰিছে।  সেয়ে মোৰ প্ৰশ্ন বৰ্তমান অসমত কোনজন লাচিতক অধিক প্ৰয়োজন-

১। মোগল খেদা লাচিতক নে

২। নে আপোন-পৰ বিচাৰ নকৰি কামত ফাকি দিয়া মামাকৰ ডিঙি কাটি দিয়া লাচিতজনক!

              মোৰ বোধেৰে অসমত দ্বিতীয়জন লাচিত বৰফুকনকহে এতিয়া বেছি প্ৰয়োজন। কাৰণ  বৰ্তমান অসমত নিজৰ কামত ফাঁকি দিয়া, ঘোঁচখোৰ, চলাহি কথা কোৱা, দুৰ্নীতিগ্ৰস্ত, চৰকাৰৰ টকাৰে লাহ-বিলাহ কৰা,বলাৎকাৰী, হিন্দু-মুছলিমৰ মাজত বিভাজনৰ কথা কোৱা আদিৰ লোকৰ সংখ্যা দিনক দিনে তীব্ৰগতিত বাঢ়িব ধৰিছে। এওঁলোকক জাতি-ধৰ্ম, বংশ, পৰিবাৰ, ভাতৃ, পুত্ৰ, পিতৃ, সম্পৰ্কীয় আদিৰ উৰ্দ্ধত থাকি উচিত শিক্ষা দিবলৈ এজন লাচিত বৰফুকনৰ দৰে এজন বীৰৰ  এতিয়া আটাইতকৈ বেছি প্ৰয়োজন।

         অৱশ্যে মোগল খেদা লাচিতজনকো আমাক প্ৰয়োজন। কা' আইনৰ দ্বাৰা আনিবলগীয়া বাংলাদেশীক প্ৰত্যাহ্বান জনাবলৈ এজন মোগল খেদা লাচিতকো নুই কৰিব নোৱাৰি। বি:দ্ৰ: ইয়াত মই ডিঙি কাটি দিয়াটো এটা প্ৰতীক হিচাপেহে ব্যৱহাৰ কৰিছো।

ৰচনাকাল : ১৭ নৱেম্বৰ ২০২২

নতুন দিল্লী

Comments

Post a Comment

Popular posts from this blog

বুকুৰ ঘাবোৰ শুকুৱাৰ বেদনা ( Pain of Love)

Image
বুকুৰ ঘাবোৰ শুকুৱাৰ বেদনা  ( কেৱল প্ৰেমৰ বিচ্ছেদৰ পৰাই নহয়! কোনোবা আত্মীয়ৰ মৃত্যুত, সন্তানৰ মৃত্যুত, মাতৃৰ মৃত্যুত, বন্ধুৰ মৃত্যুত মানুহৰ বুকুত যি ধুমুহাৰ সৃষ্টি হয়! সেই ধুমুহাৰ পৰা কেনেকৈ ধীৰে ধীৰে মানুহবোৰ ওলায় আহে! বা ওলায় আহিব পাৰি! সেইবোৰৰ কিবা সুত্ৰ আছে নেকি! ) মোৰ জীৱনত এনেকুৱা কিছুমান ঘটনা ঘটিছে যিবোৰ কিছুমান এতিয়া মনত আছে, কিছুমান মনত নাই। কিন্তু সেই ঘটনাবোৰ সেই সময়ত মোৰ বাবে আছিল অত্যন্ত গুৰুত্বপূৰ্ণ। জীৱন-মৰণৰ। এটা সৰু উদাহৰণ দিয়ো। আজি কেইদিন মানৰ আগতে সম্বন্ধীয় মামী এগৰাকীৰ সৈতে কথা-বতৰা পাতি থাকোঁতে কথাৰ মাজতে তেওঁৰ মুখত এজনী ছোৱালীৰ নাম শুনিলো। প্ৰথমবাৰ ছোৱালীজনীৰ নামটোৱে মোৰ মনত একো ক্ৰিয়া কৰা নাছিল। মামীগৰাকীৰ মুখত দ্বিতীয়বাৰ ছোৱালীজনীৰ নাম শুনাৰ লগে লগে নামটো কিবা চিনাকী চিনাকী লাগিল। মই যেন ছোৱালীজনীৰ কথা পাতিছো, এটা সম্পৰ্ক আছে। তেনেকুৱা লাগিল। মামীগৰাকীৰ লগত কথাত কথা মিলাই কথা পাতিছো যদিয়ো মই মনৰ ভিতৰত ছোৱালীজনী কোন আছিল মনত পেলাবলৈ চেষ্টা কৰি থাকিলো। কিন্তু নোৱাৰিলো। যদিয়ো চেষ্টা চলাই থাকিলো মনে মনে। ঘৰলৈ আহি কিবা এটা চিন্তা কৰি থাকোতেই হঠাতে ছোৱালীজনীৰ নামটোৰ ...
Read more

মই কিয় বিয়া পাতিব লাগে!

Image
মই কিয় বিয়া পাতিব লাগে! এই কথাটো মই বহুত দিন ধৰি ভাবি আহিছো। আৰু এই বিষয়টো সন্দৰ্ভত মই দুই এজনৰ লগত কথা পাতিছো আৰু দুই এখন কিতাপো পঢ়িছো। মোৰ বন্ধুসকলৰ লগত এই বিষয়ে কথা পাতোতে সিহঁতি বিবাহ সম্বন্ধীয় পৰম্পৰাগত কথাবোৰেই কয়। সিহঁতি  সংসাৰৰ নিয়ম, বংশ ৰক্ষা, আমাক যেনেকে জন্ম দিছে আমিও বিয়া পাতি ল'ৰা-ছোৱালী জন্ম দি সংসাৰৰ ধৰ্ম পালন কৰিব লাগে আদি  কথাবোৰ কয় । লগতে বৃদ্ধ কালছোৱাত নিসংগতাৰে কটাবলগীয়া ভয়াবহ ছবিখনো মোৰ আগত দাঙি ধৰে ।              আৰু ময়ো দেখিছো পতি-পত্নীৰ সম্বন্ধটো সমান আন একোৱেই হ'ব নোৱাৰে। ভাই-ককাই, বাই-ভনী, বন্ধু-বান্ধববোৰ এসময়ত দূৰলৈ গুছি যায় আৰুৱসেই সময়ত পতি-পত্নী, সন্তান ওচৰ-চাপি আহে। অভাৱ-অনাটন, সুখ-দুখ, বিপদ-আপদ সকলো সময়তে পতি-পত্নীয়ে নিজস্বতাক ত্যাগ কৰি হ'লেও সংগ দিয়ে ইজনে সিজনক। গতিকে জীৱন যাত্ৰাত এনেকুৱা এজন বন্ধুক কোনে নিবিচাৰে। যিজনে এনেকুৱা এটা সম্বন্ধ এটা নিবিচাৰে তেওঁ হ'ব লাগিব বৌদ্ধদেৱ, বিখ্যাত চিত্ৰকৰ পল গঁগা নাইবা জাঁ পল ছাত্ৰে বা ছমাৰছেট মমৰ The Razor's Edge ৰ নায়ক লেৰী হ'ব লাগিব।          ...
Read more

কথাবোৰতো কোনোবাই কৈ থাকিবই লাগিবই! (Useless Attempt)

Image
"যি মানুহে যুক্তিৰ দ্বাৰা কোনো কথাত বিশ্বাস নকৰে, তেওঁক যুক্তিৰ দ্বাৰা সেই বিশ্বাসৰ পৰা বাহিৰ কৰিবলৈ চেষ্টা কৰা বৃথা।" — Jonathan Swift আজি কেইদিনমানৰ আগতে চিৰাঙৰ এজন মুছলমান দাদাৰ ঘৰলৈ গৈ আছো। কোকৰাঝাৰৰ পৰা মোক চিৰাঙলৈ নিবৰ বাবে তেওঁৰ ড্ৰাইভাৰজন পঠাই দিলে। মই যাবলগীয়া দাদাজনৰ লগত ফোনত কথা - পাতি থাকোঁতেই গম পাইছিলোঁ যে তেওঁ ৰোজা ৰাখিছে ! তেওঁৱেই নহয়। তেওঁলোকৰ পৰিয়ালৰ আটাইকেইখিনিয়েই ৰোজা ৰাখি আছে। আমাৰ কথা হৈছিল - তেওঁলোকৰ ঘৰতে কেইটামান দিন থাকি মোৰ কেইটামান কাম আছিল সেইকেইটা সম্পন্ন কৰা। তেওঁলোকৰ পৰিয়ালটোৱে ৰোজা ৰখাৰ কথা জানিব পাৰি আৰু মোৰ বাবে তেওঁলোকৰ কিবা সমস্যা হ ’ ব বুলি ভাৱি ;  মোৰ বাবে ওচৰে - পাজৰে কম খৰচৰ এখন হোটেলৰ বন্ধ - বস্ত কৰিবলৈ তেওঁক ক ’ লো। কিন্তু মই নিজেই ধৰ্ম - কৰ্ম নমনা মানুহ। মাজতে ড্ৰাইভাৰজনক সুধিলো - আপুনি ৰোজা ৰাখিছেনে ! তেওঁ ক ’ লে - নাই ৰখা ।   মাজতে   দাদাজনে ফোন কৰিলে - ওচৰৰ দুই এখন হোটেলত যোগাযোগ কৰিছিলো। ৰূম খালি নাই। আৰু এখনত ফোন লগাই আ...
Read more