মোৰ টোকাবহীৰ পৰা



১। প্লেটোৰ ৰিপ্লাবিকত আৰ্ডিমেণ্টাছে দুজন মানুহৰ জীৱনৰ ছবি আঁকিছিল। এজন আছিল ভয়ংকৰ পাপী আৰু চয়তান।  কিন্তু তেওঁৰ সমস্ত জীৱন অতিবাহিত হ'ল পৰম সুখত, মৃত্যুৰ মুহূৰ্তটো তেওঁ লাভ কৰিলে সকলো মানুহৰ শ্ৰদ্ধা আৰু সন্মান। আনজন মানুহে গোটেই জীৱন দুখ কষ্ট কৰি সৎ পথত চলিও প্ৰতিদানত পালে নিন্দা অপবাদ আৰু ধিক্কাৰ। শেষত তেওঁক ক্ৰুচবিদ্ধ কৰা হ'ল। এই দুজন মানুহৰ জীৱনৰ আৰ্হি দেখুৱাই আৰ্ডিমেণ্টাছে প্লাটিমাছক প্ৰশ্ন কৰিলে- এইদুটা জীৱনৰ ভিতৰত তুমি কোনটো জীৱন বাছি ল'বা? প্লাটিমাছে উত্তৰ দিলে- মই বাছি ল'ম সেইজন মানুহৰ জীৱন যিজনে গোটেই জীৱন সৎ পথত চলিও প্ৰতিদানত পালে কেৱল, নিন্দা,অপবাদ আৰু যন্ত্ৰনাময় মৃত্যু। যি মানুহে কিবা পুৰস্কাৰৰ আশাত সৎ জীৱন-যাপন কৰে, তেনে মানুহে কেতিয়াও সৎ জীৱন-যাপন কামনা নকৰে।


২। ৰি কুই- এম এছ

কভেণ্টি পেটম

অনুবাদ- প্ৰফুল্ল কটকী

------------------------------

তুমি গুচি গ'লা

তুমি গুচি যোৱাৰ ধৰণটো যে তোমাৰ মহৎ ধৰণ-কৰণবোৰৰ লগত নিমিলা

তোমাৰ বাবে শোক প্ৰকাশ কৰিবলৈ (মোৰ বাহিৰে) তোমাৰ তো আন কোনো নাই!

প্ৰিয়া মোৰ, সেই জুলাইৰ আবেলিটোত

হঠাতে বুজিব নোৱৰা কিবা এক মোক-মোকনি

আৰু ভীতি-বিহুল চাৱনিৰে

তুমি গুছি গ'লা

তোমাৰ সুদীৰ্ঘদিনীয়া যাত্ৰাপথত মোক যাওঁ বুলি নোকোৱাকৈ

এটা চুমা নিদিয়াকৈ

তুমি গুচি গ'লা কিয়

তোমাৰ প্ৰস্থান যে তোমাৰ মহৎ আৰু শোভন

ধৰণ-কৰণবোৰৰ লগত নিমিলা।

-----------------------------------------------------


৩। নীৰৱ হৈ থাকিবা, নিজ্জনতাত নিজৰ কাম কৰিবা, বাহিৰত দেখুৱাই প্ৰচলিত মতত হয়ভৰ দি চলিবা কিন্তু নিজৰ মনৰ ভিতৰত সম্পূৰ্ণ মুক্ত হৈ থাকিব- ইউৰোপত ধৰ্মৰ নামত চলা যুদ্ধ-বিগ্ৰহবোৰে ইউৰোপীয় সভ্যতাত এবিধ নতুন মানুহৰ জন্ম দিলে। তেওঁলোক হ'ল intellectual reccluse সন্যাসীৰ দৰে নিসংগ আৰু বিচ্ছিন্ন জীৱন যাপন কৰা বুদ্ধিজীৱী। নিজৰ চিন্তা আৰু বিবেকৰ স্বাধীনতা ৰক্ষা কৰাৰ কাৰণে তেওঁলোকে উপৰত উল্লিখিত কৌশলটো অৱলম্বন কৰিছিল।

------------------------------------------------------------------


৪। মৃত্যু অনিবাৰ্য বুলি জানিয়েই ছক্ৰেটিছে বিচাৰক মণ্ডলীৰ ওচৰত এটা শেষ আবেদন জনালে। ক'লে- আপোনালোকৰ ওচৰত মোৰ এটাই শেষ অনুৰোধ আছে। আপোনালোকে যেন মোৰ পুত্ৰকেইজনৰ সু শিক্ষাৰ ব্যবস্থা কৰে। সিহঁতে যদি চৰিত্ৰ গঠনতকৈ ধন-সম্প্ৰতি ঘটাৰ ওপৰত অধিক গুৰুত্ব দিয়ে বা একো নাজানিও বহুত কথা জনাৰ ভাঁও ধৰি ওফাইদাং মাৰি ঘূৰি-ফুৰে তেন্তে আপোনালোকে সিহঁতক কঠোৰ শাস্তি দিয়াৰ ব্যবস্থা কৰিব লাগিব। এইটোৱেই আপোনালোকৰ ওচৰত মোৰ শেষ অনুৰোধ।

Comments

Post a Comment

Popular posts from this blog

বুকুৰ ঘাবোৰ শুকুৱাৰ বেদনা ( Pain of Love)

Image
বুকুৰ ঘাবোৰ শুকুৱাৰ বেদনা  ( কেৱল প্ৰেমৰ বিচ্ছেদৰ পৰাই নহয়! কোনোবা আত্মীয়ৰ মৃত্যুত, সন্তানৰ মৃত্যুত, মাতৃৰ মৃত্যুত, বন্ধুৰ মৃত্যুত মানুহৰ বুকুত যি ধুমুহাৰ সৃষ্টি হয়! সেই ধুমুহাৰ পৰা কেনেকৈ ধীৰে ধীৰে মানুহবোৰ ওলায় আহে! বা ওলায় আহিব পাৰি! সেইবোৰৰ কিবা সুত্ৰ আছে নেকি! ) মোৰ জীৱনত এনেকুৱা কিছুমান ঘটনা ঘটিছে যিবোৰ কিছুমান এতিয়া মনত আছে, কিছুমান মনত নাই। কিন্তু সেই ঘটনাবোৰ সেই সময়ত মোৰ বাবে আছিল অত্যন্ত গুৰুত্বপূৰ্ণ। জীৱন-মৰণৰ। এটা সৰু উদাহৰণ দিয়ো। আজি কেইদিন মানৰ আগতে সম্বন্ধীয় মামী এগৰাকীৰ সৈতে কথা-বতৰা পাতি থাকোঁতে কথাৰ মাজতে তেওঁৰ মুখত এজনী ছোৱালীৰ নাম শুনিলো। প্ৰথমবাৰ ছোৱালীজনীৰ নামটোৱে মোৰ মনত একো ক্ৰিয়া কৰা নাছিল। মামীগৰাকীৰ মুখত দ্বিতীয়বাৰ ছোৱালীজনীৰ নাম শুনাৰ লগে লগে নামটো কিবা চিনাকী চিনাকী লাগিল। মই যেন ছোৱালীজনীৰ কথা পাতিছো, এটা সম্পৰ্ক আছে। তেনেকুৱা লাগিল। মামীগৰাকীৰ লগত কথাত কথা মিলাই কথা পাতিছো যদিয়ো মই মনৰ ভিতৰত ছোৱালীজনী কোন আছিল মনত পেলাবলৈ চেষ্টা কৰি থাকিলো। কিন্তু নোৱাৰিলো। যদিয়ো চেষ্টা চলাই থাকিলো মনে মনে। ঘৰলৈ আহি কিবা এটা চিন্তা কৰি থাকোতেই হঠাতে ছোৱালীজনীৰ নামটোৰ ...
Read more

মই কিয় বিয়া পাতিব লাগে!

Image
মই কিয় বিয়া পাতিব লাগে! এই কথাটো মই বহুত দিন ধৰি ভাবি আহিছো। আৰু এই বিষয়টো সন্দৰ্ভত মই দুই এজনৰ লগত কথা পাতিছো আৰু দুই এখন কিতাপো পঢ়িছো। মোৰ বন্ধুসকলৰ লগত এই বিষয়ে কথা পাতোতে সিহঁতি বিবাহ সম্বন্ধীয় পৰম্পৰাগত কথাবোৰেই কয়। সিহঁতি  সংসাৰৰ নিয়ম, বংশ ৰক্ষা, আমাক যেনেকে জন্ম দিছে আমিও বিয়া পাতি ল'ৰা-ছোৱালী জন্ম দি সংসাৰৰ ধৰ্ম পালন কৰিব লাগে আদি  কথাবোৰ কয় । লগতে বৃদ্ধ কালছোৱাত নিসংগতাৰে কটাবলগীয়া ভয়াবহ ছবিখনো মোৰ আগত দাঙি ধৰে ।              আৰু ময়ো দেখিছো পতি-পত্নীৰ সম্বন্ধটো সমান আন একোৱেই হ'ব নোৱাৰে। ভাই-ককাই, বাই-ভনী, বন্ধু-বান্ধববোৰ এসময়ত দূৰলৈ গুছি যায় আৰুৱসেই সময়ত পতি-পত্নী, সন্তান ওচৰ-চাপি আহে। অভাৱ-অনাটন, সুখ-দুখ, বিপদ-আপদ সকলো সময়তে পতি-পত্নীয়ে নিজস্বতাক ত্যাগ কৰি হ'লেও সংগ দিয়ে ইজনে সিজনক। গতিকে জীৱন যাত্ৰাত এনেকুৱা এজন বন্ধুক কোনে নিবিচাৰে। যিজনে এনেকুৱা এটা সম্বন্ধ এটা নিবিচাৰে তেওঁ হ'ব লাগিব বৌদ্ধদেৱ, বিখ্যাত চিত্ৰকৰ পল গঁগা নাইবা জাঁ পল ছাত্ৰে বা ছমাৰছেট মমৰ The Razor's Edge ৰ নায়ক লেৰী হ'ব লাগিব।          ...
Read more

কথাবোৰতো কোনোবাই কৈ থাকিবই লাগিবই! (Useless Attempt)

Image
"যি মানুহে যুক্তিৰ দ্বাৰা কোনো কথাত বিশ্বাস নকৰে, তেওঁক যুক্তিৰ দ্বাৰা সেই বিশ্বাসৰ পৰা বাহিৰ কৰিবলৈ চেষ্টা কৰা বৃথা।" — Jonathan Swift আজি কেইদিনমানৰ আগতে চিৰাঙৰ এজন মুছলমান দাদাৰ ঘৰলৈ গৈ আছো। কোকৰাঝাৰৰ পৰা মোক চিৰাঙলৈ নিবৰ বাবে তেওঁৰ ড্ৰাইভাৰজন পঠাই দিলে। মই যাবলগীয়া দাদাজনৰ লগত ফোনত কথা - পাতি থাকোঁতেই গম পাইছিলোঁ যে তেওঁ ৰোজা ৰাখিছে ! তেওঁৱেই নহয়। তেওঁলোকৰ পৰিয়ালৰ আটাইকেইখিনিয়েই ৰোজা ৰাখি আছে। আমাৰ কথা হৈছিল - তেওঁলোকৰ ঘৰতে কেইটামান দিন থাকি মোৰ কেইটামান কাম আছিল সেইকেইটা সম্পন্ন কৰা। তেওঁলোকৰ পৰিয়ালটোৱে ৰোজা ৰখাৰ কথা জানিব পাৰি আৰু মোৰ বাবে তেওঁলোকৰ কিবা সমস্যা হ ’ ব বুলি ভাৱি ;  মোৰ বাবে ওচৰে - পাজৰে কম খৰচৰ এখন হোটেলৰ বন্ধ - বস্ত কৰিবলৈ তেওঁক ক ’ লো। কিন্তু মই নিজেই ধৰ্ম - কৰ্ম নমনা মানুহ। মাজতে ড্ৰাইভাৰজনক সুধিলো - আপুনি ৰোজা ৰাখিছেনে ! তেওঁ ক ’ লে - নাই ৰখা ।   মাজতে   দাদাজনে ফোন কৰিলে - ওচৰৰ দুই এখন হোটেলত যোগাযোগ কৰিছিলো। ৰূম খালি নাই। আৰু এখনত ফোন লগাই আ...
Read more